(ગુડ મૉર્નિંગ ક્લાસિક્સ : મંગળવાર, ૨૩ ફેબ્રુઆરી ૨૦૨૧)
કોઈ આપણને પૂછે કે લાઈફમાં તમારો ગોલ શું છે, અંતિમ ધ્યેય શું છે? જીવનમાં તમે શું કરવા/મેળવવા માગો છો? તો શું જવાબ આપીશું?
મારે ખૂબ પૈસા બનાવવા છે. મારે ખૂબ ફેમસ થવું છે. મારે સુખ મેળવવું છે. મારે શાંતિ પ્રાપ્ત કરવી છે. મારે લાંબુ જીવવું છે. મારે તંદુરસ્ત રહેવું છે. મારે માબાપનું ઋણ અદા કરવું છે. મારે સમાજ માટે/દેશ માટે/માનવ જાત માટે ઉપયોગી બનવું છે. મારે આ સમસ્ત વિશ્વનું કલ્યાણ કરવું છે.
આ કે આવા બીજા અનેક જવાબો આપણી પાસે તૈયાર હોવાના. આપણે માની લીધું છે કે આ જવાબ આપણી લાઈફના ગોલ માટે ક્લેરિટી છે. આપણે એકદમ સ્પષ્ટ છીએ કે આપણને જિંદગી પાસે શું જોઈએ છે.
આમ છતાં આપણને આપણું ધાર્યું મળતું કેમ નથી? ગોલ તો સેટ કરી લીધો. રોજ કામ પણ કરીએ છીએ. વર્ષોથી મંડી પડ્યા છીએ. છતાં લક્ષ્યની જરાક નજીક પણ આવ્યા નથી. આવું કેમ થતું હોય છે?
મને લાગે છે કે ધ્યેયને જે શબ્દોમાં આપણે મૂકીએ છીએ એમાં આપણી ભૂલ છે. મારે પૈસાદાર બનવું છે પણ કેવી રીતે? આ ‘કેવી રીતે’ શબ્દો અતિ મહત્વના છે. મારે પ્રસિધ્ધ બનવું છે પણ કેવી રીતે? મારે સુખી થવું છે પણ કેવી રીતે?
આ ‘કેવી રીતે’નો જે જવાબ મળે તે તમારો રિયલ ગોલ છે. મારે પૈસાદાર બનવા માટે લાસ વેગાસ જઈને ત્યાંના કસિનોમાંથી કમાણી કરવી છે કારણ કે જુગાર રમવામાં હું એક્સપર્ટ છું. તો મારો ગોલ થયો લાસ વેગાસના કસિનોમાં જવાનો. આટલી સ્પષ્ટતા હોય એ પછી હું આગળ વિચારી શકું. પૈસા બનાવવા માટે મારે પાનની દુકાન ખોલવી છે કારણ કે મારા જેવું પાન આ દુનિયામાં બીજું કોઈ નથી બનાવી શકતું એવું ગામ આખું કહે છે. તો હવે મારે મારી પોતાની માલિકીની દુકાન કરવી છે. પછી એ દુકાનના નામની ફ્રેન્ચાઈઝ આપીને ડબલ કમાણી કરવી છે. આવતાં ત્રણ વર્ષમાં ગુજરાતભરમાં મારે સો ફ્રેન્ચાઈઝ આપવી છે.
માત્ર ‘પૈસાદાર બનવું છે’ એ કંઈ ગોલ ન થયો. ‘કેવી રીતે’ પૈસાદાર બનવું છે એની સ્પષ્ટતા હોવી જોઈએ. મારે સુખી થવું છે એ કંઈ ગોલ ન થયો. ‘કેવી રીતે’ સુખી થવું છે એનો જવાબ મેળવવો જોઈએ અને પછી એ રસ્તે આગળ વધવું જોઈએ.
જિંદગીમાં મૂંઝવણો, અસ્પષ્ટતાઓ અને ગેરસમજો સર્જાયા કરવાનું કારણ શું? આપણને આપણી જાતને પ્રશ્નો પૂછતાં નથી આવડતું. પ્રશ્નો પૂછ્યા હશે તો એના જવાબો મળશે, વિકલ્પો મળશે. એ વિકલ્પોમાંથી કોઈ એકને પસંદ કરીને આગળ વધવાનો માર્ગ સૂઝશે.
ઈચ્છાઓ અને સપનાંઓ સૌ કોઈને હોય. પણ એને પૂરાં કરવા માટેની કોઈ સ્પષ્ટતા ન હોય, બધું ધુમ્મસમય દેખાતું હોય ત્યારે જાતને પ્રશ્નો પૂછવા પડે. તમને જિંદગીમાં પ્રેમ જોઈએ છે? પહેલી વાત તો એ કે તમારી દૃષ્ટિએ પ્રેમ એટલે શું? લિસ્ટ બનાવો. પછી નક્કી કરો કે આ લિસ્ટમાં જેટલી આયટમો છે એ બધું તમારા પોતાનામાં છે? જો ન હોય તો તમે કેવી રીતે આશા રાખી શકો કે બીજા કોઈમાં એ જે છે તે તમને આપી દે? તે તમને એ નહીં આપી બીજી કોઈ વ્યક્તિ જેનામાં એ છે તેને આપશે, અને બદલામાં એવું જ મેળવશે. સમજ્યા? તમને પ્રેમમાં વફાદારી જોઈએ છે, દાખલા તરીકે તમારા પોતાનામાં એ ગુણ હન્ડ્રેડ પર્સેન્ટ છે? તો તમે એવા ગુણ ધરાવતી વ્યક્તિ પાસેથી વફાદારીની આશા રાખો એ વાજબી છે. પણ તમે પોતે જ જો પચાસ લફરાં કરતાં હો, જ્યાં ત્યાં હાથ મારતા હો, સતત ચાન્સ શોધતા રહેતા હો તો પછી સામેની વ્યક્તિ પોતાની વફાદારી તમને શું કામ આપે? એવી વ્યક્તિને ન આપે જેનામાં એણે એ ગુણ જોયો હોય?
પ્રેમની તો એક વાત છે. પૈસો, પ્રસિધ્ધિ, સુખ, શાંતિ વગેરે જે કંઈ જોઈતું હોય તે કેવી રીતે પ્રાપ્ત કરવું છે એની સ્પષ્ટતા ન હોય તો તમારું જીવન હેતુવિહીન છે એવું માનવું. ભટકી જવાય હેતુવિહીન જિંદગી જીવીને. ભટકી જવાય સતત આપણાં જીવનલક્ષ્યો બદલતા રહીએ તો.
કોઈનું નુકસાન ન કરે એવો કોઈ પણ ગોલ આદરણીય છે. આવું લક્ષ્ય સેટ થઈ ગયા પછી જિંદગી જીવવાની મઝા દ્વિગુણિત થઈ જતી હોય છે. અને હવે આપણને ખબર છે કે જિંદગીમાં ગોલ સેટ કરવાનો મતલબ છે ‘કેવી રીતે’ એ લક્ષ્ય સુધી પહોંચવું છે એનો જવાબ મેળવવાની મથામણ કરવી. આ મથામણના અંતે ઘણી ભ્રમણાઓ દૂર થઈ જવાની અને એના અંતે જે કંઈ બચવાનું છે તે આપણે ક્યા માર્ગે ચાલવાનું છે એનો નકશો છે, આજે આવતીકાલે અને પાંચ વર્ષ પછી કે દસ-પંદર-પચ્ચીસ વર્ષ પછી આપણે શું કરતા હોઈશું એનું ટ્રેલર છે.
આજનો વિચાર
તમારું ઓજાર કાટ ખાઈને નકામું થઈ જાય એને બદલે ઘસાઈને નકામું થઈ જાય તે લાખ દરજ્જે સારું.
— અજ્ઞાત.
••• ••• •••
આટલું વાંચ્યું છે તો બે મિનિટ રોકાઈને થોડું વધુ વાંચી લો.
‘ન્યુઝપ્રેમી’ને આર્થિક સપોર્ટ આપો : સૌરભ શાહ
પ્રિય વાચક,
તમે જાણો છો એમ ‘ન્યુઝપ્રેમી’ કોઈપણ જાતના કૉર્પોરેટ ફન્ડિંગ વિના કે જાહેરખબરોની આવક વિના ચાલતું કોઈનીય સાડીબારી ન રાખતું એક વિશ્વસનીય ડિજિટલ મિડિયા છે.
‘ન્યુઝપ્રેમી’ની તમામ વાચનસામગ્રી સૌ કોઈ માટે ઓપન છે, વિના મુલ્યે ઉપલબ્ધ છે.
વધુ ને વધુ વાચકો સમજી રહ્યા છે કે મિડિયાની વિશ્વસનીયતા સામે પ્રશ્નો ઊભા થતા જાય છે એટલે કાણાને કાણો કહેવાની હિંમત રાખનારા અને સજ્જનોનો તથા રાષ્ટ્રપ્રેમીઓનો નિર્ભીક બનીને પક્ષ લેનારા ‘ન્યુઝપ્રેમી’ જેવા સ્વતંત્ર પ્લેટફૉર્મની આજે સખત જરૂર છે.
કોઈ પણ સારી પ્રવૃત્તિ ટકાવી રાખવી હોય અને એને ફેલાવવી હોય તો એ માટે બે મુખ્ય બાબતોની ખાસ આવશ્યકતા હોવાની. પરસેવો અને પૈસો. ‘ન્યુઝપ્રેમી’ને હજારો વાચકોમાંથી લાખો અને લાખોમાંથી કરોડો સુધી લઈ જવાની મહેનત વન પેન આર્મી એવા પત્રકાર સૌરભ શાહ દ્વારા થઈ રહી છે. પૈસાની અપેક્ષા તમારે પૂરી કરવાની છે.
તમારા સપોર્ટની આશાએ ‘ન્યુઝપ્રેમી’ના દરેક આર્ટિકલમાં જાહેરખબરોની જગ્યાએ અપીલની સૂચના/લિન્ક મૂકાય છે.
‘ન્યુઝપ્રેમી’ તમારા સ્વૈચ્છિક આર્થિક સપોર્ટથી અડીખમ રહી શકશે, વધુ વાચકો સુધી પહોંચી શકશે અને નિયમિત ધોરણે સમૃદ્ધ વાચનસામગ્રી ક્રિયેટ કરી શકશે. તમારામાંના દરેકે દરેક વાચકનો સ્વૈચ્છિક સહયોગ મળે તે આવકાર્ય છે. તમારા તરફથી મળનારી કોઈ પણ નાની કે મોટી રકમ ‘ન્યુઝપ્રેમી’ માટે ખૂબ ઉપયોગી થવાની છે.
દર એક-બે અઠવાડિયે કે મહિને-બે મહિને મળતો તમારો નિયમિત પ્રતિસાદ ‘ન્યુઝપ્રેમી’ની ઇમ્યુનિટી વધારશે અને ઝંઝાવાતો સામે ટકી રહેવાની ક્ષમતામાં ઉમેરો કરશે.
‘ન્યુઝપ્રેમી’ને તમે બેન્ક ટ્રાન્સફર દ્વારા કે પછી પેટીએમ, ગુગલ પે કે યુપીcomઆઈ ટ્રાન્સફર દ્વારા રકમ મોકલીને સ્ક્રીન શૉટ 9004099112 પર વૉટ્સએપ કરો અથવા HiSaurabhShah@gmail.com પર મેઇલ કરો.
‘ન્યુઝપ્રેમી’ને ઑલરેડી સપોર્ટ કરી રહેલા વાચકોનો હ્રદયપૂર્વક આભાર અને સૌ કોઈ માટે સદભાવ તથા શુભેચ્છાઓ.
‘ન્યુઝપ્રેમી’ વિશે વધુ જાણવાની ઇચ્છા થાય તો આ લિન્ક ક્લિક કરો : https://www.newspremi.com/gujarati/support-newspremi/
