પરપ્રાંતીય શ્રમિકોની વતનવાપસીઃ લૉકડાઉન પછીનો કૉન્ગ્રેસનો પોલિટિકલ આતંકવાદ :સૌરભ શાહ

(આજનો તંત્રીલેખઃ બુધવાર, ૬ મે ૨૦૨૦)
#2MinuteEdit

આરંભમાં જ એક અગત્યની સ્પષ્ટતા કરી દેવા માગું છું કે હું કંઈ મોદીનો સપોર્ટર નથી કે નથી હું ભાજપનો સમર્થક, હું તો એક અંધભક્ત છું જેને ભગવાને દીર્ઘદૃષ્ટિનું વરદાન આપ્યું છે જે સ્પષ્ટપણે જોઈ શકે છે કે આ દેશ વિશ્વગુરુ બનશે તો તે અવતારપુરુષ નરેન્દ્ર મોદીને કારણે બનશે, એમને પડખે રહેનારાં ભાજપ અને આરએસએસ જેવાં સેંકડો રાષ્ટ્રપ્રેમી સંગઠનોને કારણે બનશે અને વિશ્વભરમાં વસતા એમના (અવતારપુરુષ મોદીના) અબજો અંધભક્તોને કારણે બનશે જેમાં ભારતીયો ઉપરાંત બિનભારતીયોનો પણ સમાવેશ થાય છે.

કુદરતે આપેલા આ વરદાનથી ચોખ્ખેચોખ્ખું એ પણ જોઈ શકું છું (અને આ લૉકડાઉનને કારણે ઘટી ગયેલા પ્રદૂષણમાં તો જલંધરથી દેખાતા હિમાલયની જેમ કે હાલોલથી નજરે પડતા પાવાગઢની જેમ એકદમ ક્‌લિયર કટ દેખાય છે) કે ગામના ઉતાર જેવી પેલી ચંડાળચોકડીએ જો આ દેશને ફરી તમારા હાથમાંથી ઝૂંટવી લીધો – કૉન્ગ્રેસ, લેફ્ટિસ્ટો, મુસ્લિમવાદી સેકયુલરો અને ત્રણેયની રખાત જેવા પત્રકારો – આ ચાર ઘટકોની બનેલી ચંડાળચોકડીએ ફરી સત્તા કબજે કરી તો દેશ ડૂબવાનો છે, સદાને માટે કાળની ગર્તામાં ધકેલાઈ જવાનો છે. દુનિયામાં એક જમાનામાં મેસોપોટેમિયાની સંસ્કૃતિ હતી, ગ્રીક સંસ્કૃતિ હતી, રોમન સંસ્કૃતિ હતી, હડપ્પા અને મોંએ-જો-દડોની સંસ્કૃતિ હતી, નાલંદા અને તક્ષશીલા જેવાં વિશ્વવિદ્યાલયોની સંસ્કૃતિ હતી એમ ક્યારેક આ જગતમાં હિન્દુ સંસ્કૄતિ પણ ‘હતી’ એવો ઇતિહાસ ભણાવાતો થઈ જશે.

સાર્થ ગુજરાતી જોડણીકોશ અને ભગવદ્‌ ગોમંડળ કોશે ચંડાળ (અથવા તો ચાંડાળ)ના આટલા અર્થ આપ્યા છે: ૧. નિર્દય-ઘાતકી, ૨. પાપી-નીચ, ૩. ફાંસી દેનાર-જલ્લાદ, ૪. અધમ પુરુષ, ૫. છિનાળના પેટનું છોકરું (અંગ્રેજીમાં જેને બાસ્ટર્ડ કહે છે તે) ૬. અતિ દુષ્ટ, ૭. ક્રૂર કર્મ કરનાર, ૮. તિરસ્કાર કરવા જેવું, ૯. હલકું, ૧૦. નિંદ્ય, ૧૧. લોભિયું, ૧૨. હરામખોર અને ૧૩મો અર્થ ચંડાલણનો પણ જાણી લઈએ— દુષ્ટ અને ઘાતકી કામ કરનારી સ્ત્રી. (કોઈ યાદ આવે છે તમને?) ચંડાળ એટલે આ કે આમાંનાં કેટલાંક લક્ષણો ધરાવનારી વ્યક્તિ. ચંડાળચોકડી એટલે કાળાં કામ કરનારાઓની ટોળી અથવા હરામખોર લોકોનું ટોળું.

બહુ જ ગંભીર પરિસ્થિતિ છે અત્યારે. કોરોનાની વૈશ્વિક આપત્તિને ઉપરવાળાએ કબૂલ કરેલી દુઆ તરીકે જુએ છે આ ચંડાળચોકડીવાળાઓ. લોહા ગરમ હૈ, માર દો હથોડાનો ‘શોલે’સંવાદ આ ચંડાળચોકડીના સભ્યો એકબીજાના કાનમાં ફૂંકી રહ્યા છે. સેબોટેજ કરવાનો આવો ગોલ્ડન મોકો ફરી ક્યારેય હાથમાં નહીં આવે. અત્યારે જો મોદીને ખતમ કરવામાં સફળ રહ્યા તો ૨૦૨૪ની ચૂંટણી પછી ભારતમાં ફરી એકવાર સાતસો વર્ષના મોગલશાસનની સ્થાપના નક્કી છે. અને જો મોદીસરકાર અડીખમ રહી, એમના સપોર્ટર્સ, એમના ચાહકો, એમના ભક્તો અને એમના અંધભક્તો સહિતના ભાજપના મતદારોએ અવતાર પુરુષ મોદીનો સાથ ન છોડ્યો તો સમજી લો કે ૨૦૨૪ની ચૂંટણી પછી ભારતને હિન્દુ રાષ્ટ્ર બનતાં કોઈ નહીં રોકી શકે અને જો એવું થયું તો ૨૦૨૯ કે ૨૦૪૯ સુધી જ નહીં આગામી સદીઓ સુધી, આગામી સહસ્ત્રાબ્દિઓ સુધી, સનાતન કાળ સુધી ભારતનો, ભારતમાં વસતા દરેક નાગરિકનો કોઈ વાળ પણ વાંકો નહીં કરી શકે. (‘હિન્દુ રાષ્ટ્ર’ અને ‘હિન્દુ રાજ્ય’ – હિન્દુ નૅશન અને હિન્દુ સ્ટેટ – આ બે વચ્ચેના જમીનઆસમાનના ફરક વિશે યાદ ન રહ્યું હોય તો મુસ્લિમ પૉપ્યુલેશન પરની સિરીઝના ૧૦મા(અંતિમ) હપ્તામાં વિગતવાર એની સમજૂતી આપી છે. ટાઈમ કાઢીને ક્યારેક ન્યુઝપ્રેમી.કૉમ પર વાંચી લેજો.)

આ દેશની રાજકીય-સામાજિક-આર્થિક અને પારંપરિક વ્યવસ્થાને ઉધઈની જેમ કોતરી ખાનારી નહેરુ-રાહુલની કૉન્ગ્રેસ, આ દેશ માટે સંપૂર્ણપણે ગદ્‌દારી દાખવી પોતાના સ્વાર્થી ઍજન્ડા દ્વારા ચારેકોર અરાજકતા ફેલાવવામાં દિવસરાત મશગૂલ એવા સામ્યવાદીઓ, સમજદાર મુસ્લિમોને સાઈડલાઈન કરીને અને એમના પર હાવી થઈ જઈને પોલિટિકલ ઇસ્લામનો ઉપયોગ કરી રહેલા મુસ્લિમપરસ્ત સેક્યુલરવાદીઓ અને આ ત્રણેય કેટેગરીઓએ ભેગા કરેલા લૂંટના માલનો તગડો હિસ્સો જેમને અવિરત મળતો રહ્યો છે તે ફ્રન્ટ પેજની મહેફિલોમાં અને પ્રાઇમ ટાઈમના કોઠાઓ પર મુજરો પેશ કરતા પત્રકારો ઉર્ફે પ્રેસ્ટિટ્યુટ્‌સ ઉર્ફે પેઈડ મિડિયાના એમના હેન્ડલર્સ. આ ચંડાળચોકડી માટે અત્યારનો ગાળો ડુ ઑર ડાયનો સમય છે. આ પાર કે પેલે પાર. આ મોકો જો હાથમાંથી ગયો તો ફરી ક્યારેય આવી તક નથી આવવાની એની આ ચંડાળચોકડીને બરાબર ખબર છે. એટલે જ તેઓ મરણિયા બન્યા છે. હવે કોઈપણ હદ સુધી જઈ શકે છે. એમના અસ્તિત્વનો સવાલ છે.

૨૦૧૪ પછી આ ચંડાળચોકડીએ મોદીને પછાડવાની ભરપૂર કોશિશો કરી. દરેક વખતે મોદી વધુ મજબૂત બનીને બહાર આવ્યા. કોરોના જેવા વૈશ્વિક સંકટમાં બાકીની આખી દુનિયાની જેમ ભારતની પ્રજાએ પણ પોતાના ભાગે આવતી આપદાઓ સહન કરવાની જ છે. આ તકલીફો ઓછી કેવી રીતે થાય, એમાં સરકાર કેવી રીતે રાહત આપી શકે અને સૌ સાથે મળીને કેવી રીતે આ સંકટનો સામનો કરી શકે એ માટે મોદી, કેન્દ્ર સરકારનાં તમામ એકમો, ભાજપની રાજ્યસરકારો તેમજ આખા દેશની રાષ્ટ્રનિષ્ઠ સેવા સંસ્થાઓના લાખો કાર્યકરો તથા તમારા જેવા કરોડો રાષ્ટ્રપ્રેમી નાગરિકો દિવસરાત એક કરીને પોતાનાથી બનતી શ્રેષ્ઠ કામગીરી બજાવી રહ્યા છે. દેશને તોડવા માગતા લેફ્‌ટિસ્ટો, પોતાની તિજોરી ભરવા માગતા કૉન્ગ્રેસીઓ તથા બીજાની ચિતા પર ભાખરી શેકવામાં એક્‌સપર્ટ થઈ ચૂકેલા મુસ્લિમવાદી સેક્યુલરો પેઈડ મિડિયા સાથે કુલડીમાં ગોળ ભાંગીને આ દેશને તહસનહસ કરવાની એક પણ તક છોડવા નથી માગતા.

દરેક રાજ્યના પરપ્રાંતીય શ્રમિકોને ઉશ્કેરીને ભારત સરકારના વ્યવસ્થાતંત્રને ખોરવી નાખવા ફેક ન્યુઝ, અફવાઓ તથા મિસઇન્ફર્મેશનનો સહારો લઈ રહેલી ચંડાળચોકડીના વૉરરૂમમાં ઘુસીને જે માહિતી હાથ લાગી છે તે હવે ખુલ્લી પાડવાનો વખત આવી ગયો છે.

ગુજરાતના અગ્રણી રાજકીય ચિંતક કિશોર મકવાણાએ જેના માટે ‘કૉન્ગ્રેસનું પોલિટિકલ ટેરરિઝમ’ જેવો સચોટ શબ્દપ્રયોગ બનાવ્યો છે તે વિશાળ ષડયંત્રને એક્સપોઝ કરવાનો સમય થઈ ગયો છે.

આવતી કાલે, ગુરુવાર, ૭ મે ૨૦૨૦ સવારે ૮ વાગ્યાથી વાંચો ‘કોરોનાના સંકટમાં દેશને અસ્થિર કરવાનો ચાંડાળચોકડીનો ૧૦ મુદ્દાનો કાર્યક્રમ’- સૌરભ શાહની સ્ફોટક લેખશ્રેણી.

॥હરિ ॐ॥

આ સિરીઝમાં આગળ વાંચો:

‘મરતા હોય તો ભલે મરતા પચાસ હજાર-લાખ લોકો’ : સૌરભ શાહ