કિસી કે બેટે કા મહારાષ્ટ્ર થોડી હૈઃ સૌરભ શાહ

(આજનો તંત્રીલેખઃ ગુરુવાર, 10 સપ્ટેમ્બર 2020)

#2MinutesEdit

સુશાંત સિંહ રાજપૂતની આત્મહત્યાના કેસના મિડિયા કવરેજ સાથે તમે સહમત થતા હો કે ન થતા હો; કંગના રાણાવત સહિતના સુશાંતના ટેકેદારોને તમારો ટેકો હોય કે ન હોય; સીબીઆઈ, એનસીબી અને ઇડીની જાંચતપાસની ગતિ/દિશા તમને સંતોષકારક લાગતી હોય કે ન હોય— આ ત્રણેય મુદ્દા ગઈ કાલે ગૌણ બની ગયા જયારે કંગનાની આપકમાઈમાંથી એણે ખરીદેલી કરોડો રૂપિયાની ઑફિસ ઉદ્ધવ ઠાકરેએ જે.સી.બી.થી જમીનદોસ્ત કરી નાખી અને મુંબઇની ફિલ્મ ઇન્ડસ્ટ્રીમાંથી કોઈએ આ જુલમ સામે એક હરફ ન ઉચ્ચાર્યો. એટલું જ નહીં, ઉદ્ધવ ઠાકરેના કરજતસ્થિત ફાર્મહાઉસ વિશે ઇન્વેસ્ટિગેશન કરી રહેલા ‘રિપબ્લિક’ ટીવીની રિપોર્ટર- કેમેરામેનની ટીમને કોઈ વાંકગુના વિના પોલીસ હિરાસતમાં લઈ લેવામાં આવ્યા અને વારતહેવારે ટુકડે ટુકડે ગેન્ગની ‘અભિવ્યક્તિની આઝાદી’ માટે મેદાનમાં ઉતરી પડતા સેક્યુલર મિડિયાએ એક હરફ ન ઉચ્ચાર્યો.

સુશાંત સિંહ રાજપૂતે આત્મહત્યા કરી હતી કે એની હત્યા કરવામાં આવી હતી તેની તપાસ કરવી જરૂરી છે પણ અત્યારે એની જગ્યાએ ઘણા મોટા અને વિકરાળ એવા બીજા ત્રણ વધુ અગત્યના ઇશ્યુઝ પર સર્ચલાઇટ ફેંકાઈ રહી છે.

પહેલો મુદ્દો એ પુરવાર થઈ ગયો કે ઉદ્ધવ ઠાકરેએ શરદ પવારની એનસીપી તથા સોનીયામૈયાની કૉન્ગ્રેસ સાથે નાતરું કરીને બનાવેલી સરકાર માત્ર કરપ્ટ જ નહીં, ફાસિસ્ટ પણ છે.

લોકશાહીમાં નહીં પણ ઠોકશાહીમાં માનતી આ રાજ્યસરકાર પોતાની નિષ્ક્રિયતા અને નિષ્ફળતાને ઢાંકવા કઈ હદ સુધી જઈ શકે છે એનું પ્રતીક ગઈ કાલે ઉદ્ધવે મોકલેલું જેસીબી છે. બૉમ્બે હાઈકૉર્ટે ઉદ્ધવની આ ચેષ્ટાને ‘બદદાનતભરી અને ખેદજનક’ જાહેર કરી છે. અનધિકૃત બાંધકામ તોડવું જ જોઈએ અને એ માટે વર્ષોની પ્રક્રિયા થતી હોય છે એવું દરેક મુંબઇગરાએ જોયું છે. વૉર્ડન રોડ અને પેડર રોડના જંકશન પર ઊભા થયેલા ‘તિરુપતિ’ એપાર્ટમેન્ટના ગેરકાયદે બંધાયેલા વધારાના માળને તોડવાની કાયદાકીય કાર્યવાહી થતાં વર્ષોનાં વર્ષે નીકળી ગયાં. મહારાષ્ટ્રના ભૂતપૂર્વ કૉન્ગ્રેસી મુખ્યમંત્રી અને ઉદ્ધવ સરકારના જાહેર બાંધકામ ખાતાના પ્રધાન અશોક શંકરરાવ ચવ્હાણે જે કોન્ટ્રોવર્સીને કારણે મુખ્યમંત્રની ખુરશી છોડવી પડી હતી તે કોલાબાની પ્રાઇમ જગ્યાએ બંધાયેલી આદર્શ હાઉસિંગ સોસાયટીના કૌભાંડના પાયામાં જે મુદ્દાઓ હતા તેને પેઇડ ન્યુઝ દ્વારા મિડિયામાં દબાવી દેવામાં આવ્યા હતા એવી ફરિયાદ ચવ્હાણની ચૂંટણી દરમ્યાન ઇલેક્શન કમિશન સમક્ષ થઈ હતી. મુંબઇના હજારો બહુમાળી મકાનો, શોપિંગ સેન્ટર્સ અને લાખો ઝૂંપડીઓ સામે અનધિકૃત બાંધકામના કેસ ઊભા છે. પરંતુ આ બધામાંથી એક કંગના રાણાવત પર જ નિશાન તાકીને ચોવીસ કલાકની નોટિસ આપીને માલિકની ગેરહાજરીમાં ડઝનબંધ હથિયારધારી પોલીસને લઇને ઉદ્ધવે મ્યુનિસિપાલિટી પાસે જેસીબી દ્વારા જે કામ કરાવ્યું છે તે પછી મુંબઇગરાઓ જ નહીં, તમામ મહારાષ્ટ્રિયનો આ માણસ પર પાંચ પૈસાનો ભરોસો પણ મૂકે એમ નથી. ભરોસો હોય તો એક જ વાતનો કે 2024 કે તે પહેલાં (જો મધ્યવર્તી ચૂંટણી યોજાય તો) મહારાષ્ટ્ર વિધાનસભા ચૂંટણી પહેલાં શિવસેના મુંબઈ-મહારાષ્ટ્રમાં રમખાણો કરાવીને અરાજકતા અને મિસઇન્ફર્મેશનનો મારો ફેલાવશે અને કોશિશ એવી થશે કે મતદારોને એમાં ભાજપનો જ વાંક દેખાય. 2024 પહેલાં મહારાષ્ટ્રે શિવસેના-કૉન્ગ્રેસ સ્પોન્સર્ડ રમખાણોનો સામનો કરવાની તૈયારી રાખવી પડશે.

બીજો મુદ્દો એ સ્પષ્ટ થઈ ગયો કે હિન્દી ફિલ્મ ઇન્ડસ્ટ્રીમાં કેટલાક સુખદ અપવાદોને બાદ કરતાં સૌ કોઈ આ દેશનું અહિત કરનારા સેક્યુલરિઝમના અઠંગ ચાહકો છે. ફિલ્મ ઇન્ડસ્ટ્રી સાથે જે મુદ્દાઓને દૂર દૂર સુધી કોઈ લેવાદેવા ન હોય એવા ડઝનબંધ મુદ્દાઓને લઇને વિરોધ કરવા માટે જે લોકો ટ્વિટર પર (અને ફરહાન અખ્તર જેવા ક્યારેક રસ્તા પર) ઉતરી આવતા હોય છે તેઓ સૌ પોતાની જ ઇન્ડસ્ટ્રીની એક પ્રોમિનન્ટ સભ્ય કંગના રાણાવતનું ઉદ્ધવસરકાર દ્વારા ચીરહરણ થાય છે ત્યારે અદબ વાળીને મોં પર આંગળી મૂકીને તમાશો જોયા કરે છે. આમના કરતાં તો ધૃતરાષ્ટ્ર-ભીષ્મ સહિતના કૌરવો સારા જેમનાં માથાં દ્રૌપદીના ચીરહરણ વખતે શરમના માર્યા ઝૂકી તો ગયાં હતાં. કંગનાની પડખે નહીં ઊભા રહેનારા ફિલ્મ ઇન્ડસ્ટ્રીના નાના-મોટા કોઇએ પણ ઉદ્ધવની ટીકાની વાત તો જવા દો, પોતે આ બનાવમાં કંઈ કરી શકે એમ નથી એવી શરમિંદગી પણ જાહેર નથી કરી.

ત્રીજો મુદ્દો એ સ્પષ્ટ થઈ ગયો કે રાજદીપ સરદેસાઈ સહિતના સેક્યુલર પત્રકારો અને તેઓ જે મિડિયા હાઉસની નોકરી કરી રહ્યા છે તેઓ ક્યારેય આ દેશના થયા નથી, થવાના નથી.

સુશાંત-કંગના કિસ્સા દરમ્યાન આ મિડિયાનો જે એડિટોરિયલ સ્ટાન્સ રહ્યો, જે પ્રકારનું એમણે રિપોર્ટિંગ કરાવ્યું, જે પ્રકારની ચર્ચાઓ ગોઠવી—તે બધું જ પુરવાર કરે છે આ સેક્યુલર મિડિયા સમાજદ્રોહી છે, દેશદ્રોહી છે. મિડિયાના નામ પર તેઓ કલંક છે. મિડિયા શા માટે બદનામ છે એવું કોઈ પૂછે ત્યારે જે જવાબ આપવાનો થાય એ જવાબમાં આ સૌનાં નામ સામેલ હોવાનાં.

સુશાંતની આત્મહત્યા વાસ્તવમાં હત્યા હતી કે નહીં એ પુરવાર કરવાનું કામ અદાલતનું છે. પણ આ કેસ નિમિત્તે ઉદ્ધવસરકાર, હિન્દી ફિલ્મ ઇન્ડસ્ટ્રી તથા સેક્યુલર મિડિયાની પ્રજાવિરોધી-દેશવિરોધી પ્રવૃત્તિઓનાં ડીએનએની જડબેસલાક સાબિતીઓ મળી ગઈ છે. ભવિષ્યમાં આ ત્રણેય અમર- અકબર- એન્થનીનાં ઠાઠડી, જનાજો તથા ફયુનરલ પ્રોસેશન નીકળશે ત્યારે આપણે સૌ સુશાંતના આત્માની સદ્દગતિ માટે ફરી એકવાર પ્રાર્થના કરીશું કે તારે કારણે આ ગંદકી સાફ થઈ અને આ સફાઇકાર્યમાં પોતાના હાથ ગંદા કરીને પણ સ્વચ્છતા અભિયાન ચલાવનારા અર્નબ ગોસ્વામીનો અને કંગના રાણાવતનો આપણે આભાર માનીશું.

કોમવાદી મુસ્લિમ આફત ઇન્દોરીએ તો હિન્દુઓ પ્રત્યેના દ્વેષને પ્રગટ કરવા કહ્યું હતું: સભી કા ખૂન હૈ શામિલ યહાં કી મિટ્ટી મેં/ કિસી કે બાપ કા હિન્દુસ્તાન થોડી હૈ… પણ અહીં ઉદ્ધવને, બોલિવુડને, મિડિયાને સંબોધીને અને રાષ્ટ્ર માટેના આપણા પ્રેમને પ્રગટ કરવા આપણે સૌએ બુલંદ અવાજમાં ઘોષણા કરવાની છેઃ કિસી કે બેટે કા મહારાષ્ટ્ર થોડી હૈ.

••• ••• •••

આટલું વાંચ્યું છે તો બે મિનિટ રોકાઈને થોડું વધુ વાંચી લો.

‘ન્યુઝપ્રેમી’ને સપોર્ટ કરવા માટેની અપીલ : સૌરભ શાહ

પ્રિય વાચકો,

ગુજરાતી ભાષાના સૌથી વધુ વંચાતા, વખણાતા અને ચર્ચાતા લેખક-પત્રકારોમાંના એક સૌરભ શાહ તમને રોજ ‘ન્યુઝપ્રેમી’ દ્વારા મળે છે.

તમે જાણો છો એમ ‘ન્યુઝપ્રેમી’ કોઈપણ જાતના કૉર્પોરેટ ફન્ડિંગ વિના ચાલતું સ્વતંત્ર, તથા કોઈનીય સાડીબારી ન રાખતું ડિજિટલ મિડિયા છે અને એટલે એ ભરોસાપાત્ર છે.

‘ન્યુઝપ્રેમી’ની તમામ વાચનસામગ્રી સૌ કોઈ માટે ઓપન છે, વિના મુલ્યે ઉપલબ્ધ છે.

વધુ ને વધુ વાચકો સમજી રહ્યા છે કે મિડિયાની વિશ્વસનીયતા સામે પ્રશ્નો ઊભા થતા જાય છે એટલે કાણાને કાણો કહેવાની હિંમત રાખનારા અને સજ્જનો તથા રાષ્ટ્રપ્રેમીઓનો નિર્ભીક બનીને પક્ષ લેનારા ‘ન્યુઝપ્રેમી’ જેવા પ્લેટફૉર્મને અડીખમ રાખવા તમારા સપોર્ટની જરૂર છે.

‘ધ ક્વિન્ટ’, ‘ધ પ્રિન્ટ’, ‘ધ વાયર’, ‘સ્ક્રોલ’ કે બીજાં ડઝનેક તોતિંગ અંગ્રેજી ડિજિટલ મિડિયા કરોડો રૂપિયાનું ફંડિંગ ઉભું કરીને પોતાના એજન્ડાને— કામકાજને આગળ વધારી રહ્યા છે. ‘ન્યુઝપ્રેમી’ આવી રીતે કામકાજ કરવામાં માનતું નથી. ઇન્વેસ્ટર્સ પાસેથી કરોડો રૂપિયા ઉઘરાવ્યા પછી અમુક મિડિયા કરોડરજ્જુ વિનાનાં બની જતાં હોય છે. ઇન્વેસ્ટરોનો વેસ્ટેડ ઇન્ટરેસ્ટ રાષ્ટ્રવિરોધી પ્રવૃત્તિઓને ઉત્તેજન આપવાથી સચવાતો હોય ત્યારે મિડિયાએ પણ વાચકોનો દ્રોહ કરીને, વાચકોને ઊંધા રવાડે ચડાવીને એન્ટી-નેશનલ ન્યુઝ અને એન્ટી-નેશનલ વ્યુઝ આપવાની પ્રવૃત્તિમાં જોરશોરથી ભાગ લેવો પડતો હોય છે.

આ જ કારણોસર ‘ન્યુઝપ્રેમી’માં જાહેરખબરો પણ ઉઘરાવવામાં નથી આવતી. જે ઘડીએ એડવર્ટાઇઝરના વેસ્ટેડ ઇન્ટરેસ્ટ ન જળવાય એ જ ઘડીએ કાં તો તમારો હાથ આમળીને તમારી પાસે તેઓ પોતાનું ધાર્યું કરાવતા થઈ જાય અને વાચકો ગેરમાર્ગે દોરવાઈ જાય, કાં પછી તમારી નૌકાને મધદરિયે હાલકડોલક કરીને ડુબાડી દેવાની ધમકી આપવામાં આવે.

કોઈ પણ સારી પ્રવૃત્તિ ટકાવી રાખવી હોય અને એને ફેલાવવી હોય તો એ માટે બે મુખ્ય બાબતોની ખાસ આવશ્યકતા હોવાની. પરસેવો અને પૈસો. ‘ન્યુઝપ્રેમી’ને હજારો વાચકોમાંથી લાખો અને લાખોમાંથી કરોડો સુધી લઈ જવાની મહેનત વન પેન આર્મીસમા સૌરભ શાહ દ્વારા 24×7 થઈ રહી છે. ( એક વાચકે ‘ વન કેન’—one pen, one man, one can—નું બિરૂદ આપ્યું છે. કોઈ એક લેખની કમેન્ટમાં છે.)

‘ન્યુઝપ્રેમી’નું લેખન-સંપાદન તથા એની સાજસજ્જા મુંબઈમાં થાય છે. ટાઇપસેટિંગ ભાવનગર અને અમદાવાદમાં થાય છે. ‘ન્યુઝપ્રેમી’ના એડમિનિસ્ટ્રેશનની જવાબદારી પૂણેથી નિભાવવામાં આવે છે અને ‘ન્યુઝપ્રેમી’ને ટેક્નિકલ સપોર્ટ બેંગ્લોર સ્થિત ગુજરાતી ટેકનોક્રેટ આપે છે. ‘ન્યુઝપ્રેમી’ની હિન્દી આવૃત્તિ માટેનું અનુવાદકાર્ય મુંબઈ – અમદાવાદમાં થાય છે.

તમારા સપોર્ટની આશાએ ‘ન્યુઝપ્રેમી’ના દરેક આર્ટિકલમાં જાહેરખબરોની જગ્યાએ અપીલની સૂચના/લિન્ક મૂકાય છે.

‘ન્યુઝપ્રેમી’ તમારા સ્વૈચ્છિક આર્થિક સપોર્ટથી અડીખમ રહી શકશે, વધુ વાચકો સુધી પહોંચી શકશે અને નિયમિત ધોરણે સમૃદ્ધ વાચનસામગ્રી ક્રિયેટ કરી શકશે. તમારામાંના દરેકે દરેક વાચકનો સ્વૈચ્છિક સહયોગ મળે તે આવકાર્ય છે. તમારા તરફથી મળનારી કોઈ પણ નાની કે મોટી રકમ ‘ન્યુઝપ્રેમી’ માટે ખૂબ ઉપયોગી થવાની છે.

દર એક-બે અઠવાડિયે કે મહિને-બે મહિને મળતો તમારો નિયમિત પ્રતિસાદ ‘ન્યુઝપ્રેમી’ની ઇમ્યુનિટી વધારશે અને ઝંઝાવાતો સામે ટકી રહેવાની ક્ષમતામાં ઉમેરો કરશે.

‘ન્યુઝપ્રેમી’ને તમે બેન્ક ટ્રાન્સફર દ્વારા કે પછી પેટીએમ, ગુગલ પે કે યુપીcomઆઈ ટ્રાન્સફર દ્વારા રકમ મોકલીને સ્ક્રીન શૉટ 9004099112 પર વૉટ્સએપ કરો અથવા HiSaurabhShah@gmail.com પર મેઇલ કરો.

‘ન્યુઝપ્રેમી’ને ઑલરેડી સપોર્ટ કરી રહેલા વાચકોનો હ્રદયપૂર્વક આભાર અને સૌ કોઈ માટે સદભાવ તથા શુભેચ્છાઓ.

‘ન્યુઝપ્રેમી’ વિશે વધુ જાણવાની ઇચ્છા થાય તો આ લિન્ક ક્લિક કરો : https://www.newspremi.com/gujarati/support-newspremi/