હવે માત્ર 1,000 દિવસ બાકી છેઃ સૌરભ શાહ

(ગુડ મોર્નિંગ એક્સક્લુઝિવઃ સોમવાર, આષાઢ સુદ બીજ, વિક્રમ સંવત ૨૦૭૭. ૧૨ જુલાઈ ૨૦૨૧)

આજે આષાઢી બીજના પવિત્ર અવસરે કચ્છી નવ વર્ષની વધાઈ આપીને અને ભગવાન જગન્નાથની રથયાત્રાની શુભેચ્છા સાથે ‘ન્યુઝપ્રેમી’ના સૌ વાચકમિત્રોને જણાવવાનું કે 2024ની લોકસભા ચૂંટણી આડે હવે માત્ર 1,000 દિવસ બાકી રહ્યા છે. 2014ની ચૂંટણીમાં 7 એપ્રિલથી પ્રથમ તબક્કાનું મતદાન શરૂ થયું હતું અને 12 મેના રોજ પૂરું થયું. 2019ની ચૂંટણીમાં 11 એપ્રિલથી 23 મે સુધી મતદાન થયું. બધું જો સમુંસૂતરું પાર પડે અને કોઈ અનિવાર્ય ઘટના ન બને તો 1,000 દિવસ પછી નવી લોકસભાની ચૂંટણીઓ થઈ રહી હશે. 2024માં ચૂંટણીપંચ દ્વારા ચોક્કસ તારીખો જાહેર થાય ત્યારે આ ‘1,000 દિવસ બાકી છે’ કાઉન્ટડાઉન કાઉન્ટરને એ તારીખો મુજબ ઍડજસ્ટ કરી દઈશું . ત્યાં સુધી આ જ બરાબર છે.

કેબિનેટ રિશફલ કરીને વડા પ્રધાને આગામી 1,000 દિવસ માટેની તૈયારીઓ શરૂ કરી દીધી છે.રાહુલ-કેજરીવાલ-પવાર-મમતા-ઉદ્ધવ વગેરે પણ 2024માં બગાસું ખાતાં પતાસું કેવી રીતે પોતાના મોઢામાં આવી જાય એની વ્યૂહરચનાઓ કરવામાં અને દેશને લૂંટવાની તક મળે તો કોના ભાગે કેટલું આવે એવી શેખચલ્લીની યોજનાઓ ઘડવામાં બિઝી થઈ ગયા છે.

આવા સંજોગોમાં એક મતદાર તરીકે તમે શું કરી શકો છો? આજથી શરૂ થતા એક હજાર દિવસ દરમ્યાન ‘ન્યુઝપ્રેમી’ વાંચતા રહેજો, જોતા રહેજો અને સાંભળતા રહેજો. મોદી સરકાર વિરુદ્ધ મીડિયાના અને સોશ્યલ મીડિયાના કેટલાક બદમાશ તથા હરામખોર એવા દેશદ્રોહી પુરવાર થયેલાં તત્ત્વો દ્વારા એક પ્રચારયુદ્ધ શરૂ થયું છે. આગામી 1,000 દિવસોમાં એ પ્રચારયુદ્ધ અર્થાત્ પ્રોપેગેન્ડા તમને ભરમાવવાની કોશિશ કરશે, મોદીને-એમની એચિવમેન્ટ્સને જોવાનો તમારો નજરિયો બદલી નાખવાના મરણિયા પ્રયાસો થશે. હકીકતોને તોડીમરોડીને, સંદર્ભો બદલીને વાતાવરણને ધૂધળું કરી નાખવાની કોશિશ થશે. તમે ગૂંચવાઈ જશો – આ સાચું કે પેલું? તમારી શ્રદ્ધા ડગમગી જશે. ક્યારેક તમને કેજરીવાલ જેવા ડાકુઓ ( હા, ડાકુ, ઠગ અને લૂંટારાઓ) મસીહા લાગવા માંડશે અને ક્યારેક તમે સોનિયામૈયાને ત્યાગમૂર્તિ માનવા માંડશો. દેશના દુશ્મનો દ્વારા આગામી 1,000 દિવસ દરમ્યાન જાળ બિછાવવામાં આવશે, છળકપટ દ્વારા તમારી સમક્ષ એ જાળને જાજમ તરીકે પેશ કરવામાં આવશે.

માટે સાવધાન.

મોદી સરકાર માટે, ઠગમંડળી માટે અને તમારા માટે આગામી 1,000 દિવસો ભારે અગત્યના છે. આ સહસ્ત્રદિન દરમ્યાન જે કંઈ થશે (અને જે કંઈ નહીં થાય) તે નક્કી કરશે કે 2024 પછી ભારત દેશ ફરી પાછો સોનિયા-રાહુલની મુગલિયા સલ્તનતનો ગુલામ બનીને, 1947 પછી દાયકાઓ સુધી જે અંધારામાં રહ્યો તે અંધકારયુગમાં ધકેલાઈ જશે કે મોદી 3.0નો નવા પાંચ વર્ષનો ગાળો, ભારતાસીઓએ 2014થી 2024નાં વર્ષોમાં દેશને જે ઊંચાઈએ પહોંચતાં જોયો તેના કરતાં પણ અનેકગણી ઊંચાઈ લઈ જશે.

આજથી આ કાઉન્ટડાઉન શરૂ થાય છે. માત્ર 1,000 દિવસ. પણ આ દિવસોનો જો કલાક, મિનિટ, સેકન્ડમાં ગુણાકાર કરીએ તો સમય ઓછો નથી.

‘ન્યુઝપ્રેમી’ અને વન પેન આર્મી આ દિવસ-કલાકો-મિનિટો અને સેકન્ડ્સનો શું ઉપયોગ કરવા ધારે છે એ જાણવા ‘ન્યુઝપ્રેમી’ સાથે નિરંતર જોડાયેલા રહેશો. એક મતદાતા તરીકે, એક જાગૃત નાગરિક તરીકે અને સનાતન સંસ્કૃતિના વારસદાર એવા એક રાષ્ટ્રપ્રેમી તરીકે તમારી જવાબદારી ઘણી મોટી છે. આ જવાબદારીનું વહન કરવામાં, વિરોધીઓ દ્વારા શરૂ કરવામાં આવેલી પર્સેપ્શન વૉરના લીધે ધૂંધળા થઈ જનારા વાતાવરણમાં તમારો દ્રષ્ટિકોણ ખોરવાઈ ન જાય, આ દેશ માટે શું સારું છે અને શું સાચું છે તેની જાણકારી તમારા સુધી ‘ન્યુઝપ્રેમી’ની કલમ દ્વારા લખાયેલો, ઑડિયો દ્વારા બોલાયેલો તેમ જ વીડિયો દ્વારા પહોંચાડવામાં આવતો શબ્દ તમારા માટે ઉપયોગી થવાનો છે.

ભારતને મહાન ભારત બનાવવાની ઝુંબેશમાં ‘ન્યુઝપ્રેમી’ સૌ રાષ્ટ્રપ્રેમીઓની સાથે છે.

આષાઢી બીજના આ પવિત્ર દિવસે ભગવાનને એ જ પ્રાર્થના કે 2014થી શરૂથેલી ભારતના નવા સુવર્ણકાળની યાત્રા વણથંભી ચાલુ રહે.

••• ••• •••

આટલું વાંચ્યું છે તો બે મિનિટ રોકાઈને થોડું વધુ વાંચી લો.

‘ન્યુઝપ્રેમી’ને આર્થિક સપોર્ટ આપો : સૌરભ શાહ

પ્રિય વાચક,

તમે જાણો છો એમ ‘ન્યુઝપ્રેમી’ કોઈપણ જાતના કૉર્પોરેટ ફન્ડિંગ વિના કે જાહેરખબરોની આવક વિના ચાલતું કોઈનીય સાડીબારી ન રાખતું એક વિશ્વસનીય ડિજિટલ મિડિયા છે.

‘ન્યુઝપ્રેમી’ની તમામ વાચનસામગ્રી સૌ કોઈ માટે ઓપન છે, વિના મુલ્યે ઉપલબ્ધ છે.

વધુ ને વધુ વાચકો સમજી રહ્યા છે કે મિડિયાની વિશ્વસનીયતા સામે પ્રશ્નો ઊભા થતા જાય છે એટલે કાણાને કાણો કહેવાની હિંમત રાખનારા અને સજ્જનોનો તથા રાષ્ટ્રપ્રેમીઓનો નિર્ભીક બનીને પક્ષ લેનારા ‘ન્યુઝપ્રેમી’ જેવા સ્વતંત્ર પ્લેટફૉર્મની આજે સખત જરૂર છે.

કોઈ પણ સારી પ્રવૃત્તિ ટકાવી રાખવી હોય અને એને ફેલાવવી હોય તો એ માટે બે મુખ્ય બાબતોની ખાસ આવશ્યકતા હોવાની. પરસેવો અને પૈસો. ‘ન્યુઝપ્રેમી’ને હજારો વાચકોમાંથી લાખો અને લાખોમાંથી કરોડો સુધી લઈ જવાની મહેનત વન પેન આર્મી એવા પત્રકાર સૌરભ શાહ દ્વારા થઈ રહી છે. પૈસાની અપેક્ષા તમારે પૂરી કરવાની છે.

તમારા સપોર્ટની આશાએ ‘ન્યુઝપ્રેમી’ના દરેક આર્ટિકલમાં જાહેરખબરોની જગ્યાએ અપીલની સૂચના/લિન્ક મૂકાય છે.

‘ન્યુઝપ્રેમી’ તમારા સ્વૈચ્છિક આર્થિક સપોર્ટથી અડીખમ રહી શકશે, વધુ વાચકો સુધી પહોંચી શકશે અને નિયમિત ધોરણે સમૃદ્ધ વાચનસામગ્રી ક્રિયેટ કરી શકશે. તમારામાંના દરેકે દરેક વાચકનો સ્વૈચ્છિક સહયોગ મળે તે આવકાર્ય છે. તમારા તરફથી મળનારી કોઈ પણ નાની કે મોટી રકમ ‘ન્યુઝપ્રેમી’ માટે ખૂબ ઉપયોગી થવાની છે.

દર એક-બે અઠવાડિયે કે મહિને-બે મહિને મળતો તમારો નિયમિત પ્રતિસાદ ‘ન્યુઝપ્રેમી’ની ઇમ્યુનિટી વધારશે અને ઝંઝાવાતો સામે ટકી રહેવાની ક્ષમતામાં ઉમેરો કરશે.

‘ન્યુઝપ્રેમી’ને તમે બેન્ક ટ્રાન્સફર દ્વારા કે પછી પેટીએમ, ગુગલ પે કે યુપીcomઆઈ ટ્રાન્સફર દ્વારા રકમ મોકલીને સ્ક્રીન શૉટ 9004099112 પર વૉટ્સએપ કરો અથવા HiSaurabhShah@gmail.com પર મેઇલ કરો.

‘ન્યુઝપ્રેમી’ને ઑલરેડી સપોર્ટ કરી રહેલા વાચકોનો હ્રદયપૂર્વક આભાર અને સૌ કોઈ માટે સદભાવ તથા શુભેચ્છાઓ.

‘ન્યુઝપ્રેમી’ વિશે વધુ જાણવાની ઇચ્છા થાય તો આ લિન્ક ક્લિક કરો : https://www.newspremi.com/gujarati/support-newspremi/